MOKIWA BLOG

  Na John Mapepele Rais wa Jamhuri ya Muungano wa Tanzania. Mhe, Samia Suluhu ameipongeza Wizara ya utamaduni, Sanaa na Michezo kwa kazi kubwa inayofanya ya kuitangaza Tanzania duniani kupitia sekta za Utamaduni, Sanaa na Michezo. Mhe. Samia ametoa kauli hiyo wakati akipokea Kombe la Dunia la FIFA leo Mei 31, 2022 Ikulu jijini Dares Salaam kutoka kwa kiongozi kikosi cha ziara ya kombe hilo hapa nchini na mchezaji nguli wa Brazil Juliano Belletti. Amesema Wizara hiyo imekuwa ikifanya ubunifu mkubwa wa kuitangaza Tanzania ambapo katika siku za hivi karibuni kwa kushirikiana na wadau waliandaa tukio la kutazama mbashara fainali za UEFA kupitia DSTv kwenye Daraja jipya la Tanzanite lililopo jijini Dar es Salaam hivyo kuifanya dunia kuendelea kuilifahamu daraja hilo la kisasa na Tanzania kwa ujumla wake.    "Lakini kutumia lile daraja na wakaonyesha na tukaonekana ulimwengu mzima ile ni jitihada  kubwa, na wameonesha kwamba  Tanzania  tuna vivutio vinavyoweza ku...

  Na John Mapepele Rais wa Jamhuri ya Muungano wa Tanzania. Mhe Samia Suluhu Hassan leo Mei 31, 2022 amepokea kombe la Dunia la FIFA Ikulu jijini Dar es Salaam  ambalo litakaa kwa siku mbili kabla ya kuondoka kesho kutwa. Kombe hilo amekabidhiwa na mchezaji mkongwe duniani wa Brazil Juliano Belletti ambaye anaongoza timu ya ziara ya kombe hilo nchini. Akipokea kombe hilo Rais Samia amewataka watanzania kujitokeza kwa wingi kesho Juni 1, 2022 kufika Uwanja wa Taifa wa Benjamini Mkapa jijini Dar es Salaam kupiga  picha na kombe hilo. Tanzania inakua miongoni mwa nchi tisa za Afrika  ambazo imepata bahati ya kupitiwa na kombe hilo. Mhe.  Samia amefafanua kuwa Tanzania imechaguliwa kuwa miongoni mwa nchi hizo kutokana na kuendelea kufanya vizuri kwenye Michezo ambapo amesema watanzania wengi wanapenda soka. Kesho kombe litaanza kuonyeshwa kuanzia saa 3 asubuhi hadi saa 11 jioni na baada ya hapo kutaonyeshwa filamu ya Royal tour ambayo Mhe. Rais Samia ameshiriki. Mhe...

  Na John Mapepele Waziri wa Utamaduni, Sanaa na Michezo.Mhe, Mohamed Mchengerwa amesema  kesho ni siku maalum kwa watanzania kushuhudia na kupiga picha na kombe la dunia na kutazama Filamu ya Royal Tour uwanja wa Taifa jijini Dar es Salaam. Mhe.  Mchengerwa ametoa kauli hiyo leo Mei 31, 2022 kwenye mkutano wa Waandishi wa Habari akiwa na ujumbe wa FIFA ulioleta kombe  hilo nchini. Amesema Tanzania imebahatika kuwa miongoni mwa nchi tisa za Afrika  ambazo kombe hilo linapita  na   kutoa wito kwa watanzania kutokeza kwa wingi kuja kupiga nalo picha. Amesema  milango shughuli ya kupiga picha na kombe itaanza saa tatu asubuhi hadi majira ya saa 11 jioni na baada ya hapo filamu ya Royal Tour ambayo Rais wa Jamhuri ya Muungano wa Tanzania. Mhe Samia Suluhu Hassan ameshiriki itawekwa. Aidha amesema kwa taratibu za FIFA atakayeruhusiwa kulishika pekee ni Mhe. Rais. Ameongeza kuwa ujio wa kombe hilo ni fursa ya kuitangaza Tanzania kwa kuwa macho na m...

  Na John Mapepele Waziri wa Utamaduni, Sanaa na Michezo. Mhe, Mohamed Mchengerwa amesema watanzania   wakiongozwa na Rais wa Jamhuri ya Tanzania. Mhe, Samia Suluhu Hassan wanaitaka timu ya Taifa ya wanawake chini ya umri wa miaka 17 (Serengeti Girls) kuleta ushindi wa heshima katika mechi ya marudiano dhidi ya timu ya Cameroon   ya kufuzu mashindano ya soka ya dunia kwa kuibamiza mabao mengi kuliko ushindi wa mabao manne kwa nunge uliopatikana  kwenye mechi ya awali Mei 22, 2022 nchini Cameroon.  Mhe. Mchengerwa ametoa kauli hiyo leo alipoitembelea timu hiyo akiambata na Naibu Waziri, Mhe. Pauline Gekul, Katibu Mkuu Dkt. Hassan Abbasi na Mkurugenzi wa Michezo nchini pamoja na Viongozi  Wakuu wa Shirikisho la soka Tanzania na Zanzibar kwenye uwanja wa Amani uliopo Zanzibar ambapo amefafanua  kuwa watanzania wanaimani kubwa na timu hiyo ili kuandika historia  ya  kuwa timu ya kwanza Tanzania kufungua  milango ya Tanzania kuingia...

  Na John Mapepele Waziri wa Utamaduni, Sanaa na Michezo. Mhe, Mohamed Mchengerwa amewakabidhi kombe la UEFA mashabiki wa timu ya Real Madrid baada ya timu hiyo kutwaa ubingwa usiku wa kuamkia leo huku akisisitiza kuwa  Wizara yake itaendelea kuwa bunifu kwenye sekta za Utamaduni, Sanaa na Michezo ili kuwapa furaha watanzania. Mhe. Mchengerwa amesema hayo kwa wapenzi soka  katikati ya Daraja  la Tanzanite jijini Dar es Salaam kwenye tukio maalum la kuangalia mubashara fainali za UEFA lililoratibiwa na kampuni ya kinywaji cha  Heineken kwa  kushirikiana na Wizara  ya Utamaduni, Sanaa na Michezo usiku wa kuamkia leo. Katika fainali hii timu ya Real Madrid imeibuka bingwa wa  kombe la UEFA wa mwaka huu baada ya kuibamiza Liverpool bao moja katika kipindi cha pili cha mchezo. Ameongeza kuwa  sekta za Utamaduni, Sanaa na Michezo ndiyo nguvu shawishi za taifa lolote duniani. Amempongeza Rais wa Jamhuri ya Muungano wa Tanzania. Mhe, Samia Suluhu Has...

  Na John Mapepele Serikali ya Tanzania na Qatar imefanya mazungumzo ya kuimarisha mahusiano kwenye sekta za michezo, sanaa na utamaduni ambayo  yanalenga kusaidia Tanzania  kufanya mapinduzi makubwa  kwenye sekta za michezo nchini ikiwa ni pamoja na Tanzania kuratibu mashindano makubwa ya Afrika ya Soka hususan Kombe la Mataifa ya Afrika AFCON ifikapo mwaka 2027. Maongezi hayo yamefanywa na Waziri wa Utamaduni, Sanaa na Michezo. Mhe, Mohamed Mchengerwa kwa upande wa Serikali ya Tanzania na Balozi wa Qatar nchini, Mhe. Hussain Ahmad Al-Homaid leo Mei 27, 2022 Uwanja wa Benjamini Mkapa jijini Dar es Salaam. Mhe. Mchengerwa amefafanua kuwa tayari Serikali imeshaomba  miundombinu ya soka inakayotumika kwenye  mashindano ya kombe la Dunia yanayotarajiwa  kufanyika nchini Qatar ambapo Mhe, Balozi Al-Homaid amesema  Serikali yake itazingatia  ombi hilo kwa kuipa kipaombele nchi ya Tanzania. “Maono ya Rais wa Jamhuri ya Muungano wa Tanzania Mhe. Sam...

  Na John Mapepele. Waziri wa Utamaduni Sanaa na Michezo. Mhe, Mohamed Mchengerwa leo Mei 26, 2022  amehudhuria  kilele cha siku ya Utamaduni wa vyakula vya asili vya Uturuki kwenye ubalozi wa Uturuki jijini Dar es Salaam pamoja na wasanii mbalimbali wa filamu na muziki huku akisisitiza kuwa Serikali itaendelea kushirikiana na Uturuki kwenye sekta za Utamaduni na Sanaa kwa faida ya nchi zote mbili. Mhe. Mchengerwa amesema ameishukuru Serikali ya Uturuki kwa kujenga kituo cha utamaduni hapa nchini. Amesema Tanzania itaendeleza  ushirikiano huo kwenye sekta ya Utamaduni ikiwa ni pamoja na kubadilishana uzoefu katika eneo la wataalam wa Utamaduni. Aidha amepongeza Uturuki kuendelea kutangaza lugha ya kiswahili duniani kupitia filamu zao zinazotafriwa kwa lugha ya kiswahili. Ameongeza kuwa mwaka huu, Tanzania inakwenda kuadhimisha siku ya kiswahili duniani kuanzia Julai mosi hadi kilele chake Julai saba  kwa kufanya program mbalimbali ikiwa ni pamoja na kufanya maon...

  Na John Mapepele. Serikali ya Tanzania na China leo, Mei 26, 2022 zimetiliana Saini mkataba wa makubaliano ya kusaidiana katika kuboresha maeneo ya Sekta anazozisimamia. Utiaji wa Saini wa mikataba hiyo ya kihitoria umeongozwa na Waziri wa Utamaduni, Sanaa na Michezo. Mhe. Mhamed Omary Mchengerwa kwa upande wa Serikali ya Jamhuri ya Muungano wa Tanzania na  Balozi wa China nchini Wang Ke  kwa upande wa Serikali ya watu wa China kwenye Ofisi ya Ubalozi wa China jijini Dar es Salaam. Akizungumzia kuhusiana na manufaa ya mikataba hiyo, Mhe. Mchengerwa amesema Serikali ya Tanzania imesaini mikataba hiyo ya ushirikiano inatarajia kuleta mapinduzi makubwa kwenye sekta hizo. Amesema kwa upande wa utamaduni  kutakuwa  na kupeleka wadau wa utamaduni, sanaa na michezo katika nchi ya  china na watu wa china kuja  nchini kwa ajili ya kubadilishana uzoefu. Kwa upande wa elimu Tanzania itapeleka wanafunzi ambapo China itafadhili  masomo haya kwa kutoa nafasi ...

  Na Shamimu Nyaki - WUSM, Dodoma  Waziri wa Utamaduni, Sanaa na Michezo.  Mhe, Mohammed Mchengerwa amewaasa watanzania kulinda na kuhifadhi rasilimali na kumbukumbu ambazo ni ushahidi wa Harakati za Ukombozi wa Bara la Afrika katika maeneo waliyopo ambayo kumbukumbu hizo zinapatikana. Katika taarifa aliyoitoa kwa Vyombo vya Habari leo  Mei 25, 2022 jijini Dodoma, Mhe. Mchengerwa amesema  Siku ya Afrika ambayo huazimishwa Mei 25 kila Mwaka,ni siku muhimu kwa waafrika wote ambapo kwa mwaka huu  imebebwa na Kauli Mbiu isemayo "Urithi wa Ukombozi, Fahari ya Afrika na Kazi Iendelee". "Kuthamini utanzania wetu  ni jambo la msingi na ndiyo kielelezo na sifa iliyosababisha Umoja wa Afrika (AU) zamani (OAU) kuichagua Tanzania kuwa Makao Makuu ya Kamati ya Ukombozi wa Bara la Afrika na kuipa hadhi ya kuwa Mratibu wa Harakati za Ukombozi hadi nchi zote za Afrika zilipopata Uhuru mwaka 1994" amefafanua Mhe.Mchengerwa. Mhe. Mchengerwa ameongeza kuwa, ni wajibu wa ...

  Na John Mapepele Waziri wa Utamaduni, Sanaa na Michezo. Mhe, Mohamed Mchengerwa amesema Serikali ya Mhe. Rais Samia imedhamiria kuinua kuinua kiwango cha mashindano ya urembo nchini  ikiwa ni pamoja na kujenga ukumbi wa kimataifa  katika jiji la Dar es Salaam. Akizungumza usiku wa kuamkia leo Mei 21, 2022 kwenye kilele cha mashindano ya kumtafuta  Miss Tanzania 2022 ambapo Halima Kopwe toka Mtwara ametwaa taji hilo, Mhe . Mchengerwa amesema ukumbi huo  licha ya kufanyiwa kazi mbalimbali za Sanaa na burudani pia utatumika kwenye mashindano ya kimataifa ikiwa ni pamoja na shindano la Miss Tanzania. "Ukumbi huo unatarajiwa kuongoza kwa ubora na ukubwa barani Afrika ambapo utachukua takribani watu elfu ishirini" amesisitiza Mhe. Mchengerwa Aidha, amesema Serikali ya Awamu ya Sita itaendelea kuwashika mkono washindi wote na kufafanua kuwa washiriki wote walioshiriki shindano hili hadi kufika fainali ni washindi. Amewapongeza waandaji wa shindano hilo kwa uratibu mz...

  Jaji Mkuu wa Tanzania, Mhe. Prof. Ibrahim Hamis Juma akizungumza na Watumishi wa Mahakama ya Wilaya ya Muheza alipofika katika Mahakama hiyo kwa ziara ya kikazi aliyoanza jana tarehe 16 Mei, 2022. Sehemu ya Watumishi wa Mahakama wakiandika masuala mambo ambayo alikuwa akizungumza Jaji Mkuu, Mhe. Prof. Juma (hayupo katika picha) alipokuwa wilayani Muheza kwa ziara ya kikazi.  Sehemu ya Watumishi wa Mahakama ya Wilaya ya Muheza wakimsikiliza Mhe. Prof. Juma alipokuwa akizungumza wakati alipotembelea Mahakama hiyo kwa ziara ya kikazi. Jaji Mkuu wa Tanzania, Mhe. Prof. Juma akionyesha fomu maalum ya Mahakama kwa ajili ya kutoa maoni wakati alipokuwa katika Ofisi ya Mkuu wa Wilaya ya Pangani. Jaji Mkuu wa Tanzania, Mhe. Prof. Ibrahim Hamis Juma (katikati) akiwa katika picha ya pamoja na Mahakimu wa Mahakama Wilaya ya Muheza alipotembelea Mahakama hiyo. Kushoto ni Jaji Mfawidhi wa Mahakama Kuu-Kanda ya Tanga, Mhe. Latifa Mansoor na kulia ni Msajili wa Mahakama ya Rufani (T), Mhe. ...